Black Adam film-ah Hawkman

DC comic-fan-te tan thu lawmawm hriat tur a awm. Dwayne Johnson channa Black Adam-ah Aldis Hodge chu Hawkman lemah a chang dawn a, a thlawk kual vel kan hmu dawn a nih hmel.

Aldis Hodge hi archaeologist Carter Hall/Hawkman lemah a chang dawn a, Justice Society of America leader a nih dawn bakah Black Adam dodaltu langsar ber a ni dawn niin The Wrap chuan an report-ah kar hmasa khan an tarlang.

The Wrap hi hemi chungchang tarlang hmasa bertu an ni a, an tarlan hnu lawkah The Rock hian a instagram account lamah a rawn tichiang zui ve bawk a ni.

Black Adam-ah hian Hawkman bakah hian  Atom Smasher pawh kan hmu dawn a, Atom Smasher pawh hi Justice Society of America member tur niin Noah Centineo chuan a lem hi a chang ang.